Чтение онлайн

Благодатных даров Духа Святого кладезь преполненный яви в тебе Господь, отче наш Иоанне, да с тобою и мы сих причастницы будем и тако познаем милость Божию к нам, яко не отступит, ниже посрамит нас Господь, егда благодарными усты и чистым сердцем, уповающе на милость благоутробия Его, воспоем Ему: Аллилуиа.

Поюще твое достохвальное житие на земли и славу, юже стяжал еси на Небеси, молим тя, блаженне Иоанне, вознеси о нас молитвы Богу, да помиловани будем в день судный и, спасаеми твоими молитвами, тако тебе воззовем: Радуйся, богоизбранно и богопрославленне пастырю земли Российская; радуйся, яко воспел еси имя Божие, аки орган мусикийский; радуйся, пророком и апостолом добре поревновавый; радуйся, бежати гнева Божия и творити плоды покаяния мудре наставивый; радуйся, об Отечестве и народе нашем теплый молитвенниче; радуйся, веры православный истинный исповедниче; радуйся, пресветлый лучу, путь к жизни вечней исияваяй; радуйся, неисчерпаемую благость Божию нам открываяй; радуйся, трапезо неоскудеваемая, от неяже монаси и мирстии питаются; радуйся, учителю Правды Божия, еюже старцы и юноши украшаются; радуйся, яко ихже даде тебе Господь, сотворил еси я Богу в радование; радуйся, яко от небожителей приял еси о Господе целование; радуйся, Иоанне, земли Российския молитвенниче предивный.

О всеблаженне отче Иоанне, всероссийский пресветлый светильниче и предивный чудотворче! Приими хвалебное сие пение и умоли Христа Бога в мире и благочестии утвердити Святую Церковь, нас же всяких бед избавити и в единомыслии веры в союзе любви Христовы соблюсти, да единеми усты и единем сердцем воспоем с тобою Богу: Аллилуиа.

Этот кондак читается трижды, затем читаются Икос 1 «Ангела молитвы…» и Кондак 1 «Избраннаго и вернаго…».

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал: Имя Тебе – любовь: не отвергни меня, заблуждающагося. Имя Тебе – Сила: укрепи меня, изнемогающего и падающаго. Имя Тебе – Свет: просвяти душу мою, омраченную житейскими страстями. Имя Тебе – Мир: умири мятущуюся душу мою. Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас принести достойные плоды покаяния и не осужденно причащатися Христовых Таин. Силою твоею веру в нас укрепи, в молитве поддержи, недуги и болезни исцели, от напастей, врагов, видимых и невидимых, избави. Светом лика твоего служителей и предстоятелей Алтаря Христова на святые подвиги пастырского делания подвигни, младенцем воспитание даруй, юное настави, старость поддержи, святыни храмов и святые обители озари! Умири, чудотворче и провидче преизряднейший, народы страны нашея, благодатию и даром Святаго Духа избави от междуусобныя брани, расточенная собери, прельщенныя обрати и совокупи Святей Соборней и Апостольской Церкви. Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и нас на путь спасения настави. Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся. Ты же, отче праведный, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует. О святче Божий, помози нам веру православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя. Еще молим тя, отче праведне, о еже Церкви нашей Святей до скончания века утвержденней быти, Отечеству же нашему мир и пребывание испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Нем же живем и движемся, и есмы, и прибудем во веки. Аминь.

Отче Иоанне досточудне! Ты добродетельми многими к Богу приблизился еси и дарований духовных от Него сподобился еси: недуги врачевати, страсти прогоняти и скорби утоляти. Темже смиренно молим тя: подаждь недугом нашим исцеление и страстем врачевание, находящия же на нас скорби утоли и радость духовную в сердца наша всели. И помози нам подражательми быти святаго твоего жития и всех благих твоих деяний, яко да сподобимся с тобою наследия Царствия Небеснаго. Аминь.

Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче. Божественных Тайн благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и церкви нашея украшение, моли Всеблагаго Бога умирити мир и спасти души наша.

Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: «Созижду Церковь Мою, и врата адова не одолеют ей».

1. Буренин М. Воспоминание о Любушке Сусанинской // Невское время.(30 апреля 2003).

2. Грачева Е. «Сеющии слезами, радостию пожнут». Воспоминания о иеромонахе Николае (Грачеве) // Духовный собеседник. 2002. № 4(32).

3. Житие святой блаженной Ксении Петербургской и акафист. Воронеж, 2001.

4. Житие святой преподобномученицы Марии Гатчинской. Составитель В. А. Васильев. Гатчинский Павловский собор, 2008.

5. Жития русских святых. Свято-Троицкая Сергиева лавра, 1991.

6. Ильюнина Л. А. Блаженные старицы // Православное информационное агентство «Русская линия».(22 июня 2005).

7. Иоанн Кронштадтский. Изречения // http://ru.wikipedia.org/wiki/Иоанн_Кронштадтский.

8. Невярович В. К. Чудесные исцеления. Воронеж: МОДЭК, 1998.

9. Новые чудеса блаженной старицы Матронушки-Босоножки // Сост. А. В. Медведев // Санкт-Петербургские епархиальные ведомости. http://www.mitropolia-spb.ru/eparhialniesmi/eparchialnie_vedomosti/30-31/txt/bosonozhka.php?mode=print.

10. О. Иоанн (Крестьянкин). Слово в Неделю о мытаре и фарисее и в день памяти святителя Григория Богослова // http://www.sedmitza.ru/text/408848.html.

11. Святая преподобномученица Мария Гатчинская // Сайт храма во имя иконы Божией Матери «Державная». http://derzhavnaya.spb.ru/lib/zhitiya/maria-gat.html

12. Петербургская блаженная Матронушка-Босоножка // Центр православных программ «София». http://www.palomniksofia.ru/s-matronushka.

13. Рассказы о блаженной Любушке // Леушино. http://www.leushino.ru/arch/l18_2a.html.

14. Цыпин В. Церковное право // http://azbyka.ru/dictionary/10/tsypin_tserkovnoe_pravo_001-all.shtml.