Чтение онлайн

Тогда убо прилучися и святителю оному Максиму, иже въ она лта престолъ всея Рускыя земля украшаше, проходити землю ону, поучаа люди Божиа по преданному уставу. Приде же и Божии человкъ Петръ съ своею [65] братиею благословениа от святителя приати, и образъ Пречистыя Владычица нашея Богородица, иже б самъ написалъ, принесе ему. Святитель же Божии оного убо съ братиею благослови, образъ же Пречыстыа с великою радостию приемъ и, златом и камениемъ украсивъ, у собе дръжаше. Въ дни и в нощы моляшеся еи непрестанно о съхранении и съблюдении Рускоя земли, даже до своего жывота. И жытиа убо сего конець премени архиепископъ Максим, и тло его въ гроб положено бысть въ славнои церкви Пречистыя Владычица наша Богородица, приснодвица Мариа, въ преименитом град Володимери.

Геронтии же нкто, игуменъ сы, дерзну дерзостию восхытити, хотя санъ святительства [66] , не вды, яко всякъ даръ свершенъ свыше есть, сходяи от Бога, отца свтом, ни бо слыша Писание, глаголющее: «Ни хотящему, ни текущему, но милующему Богу». Но тако самовластиа недугом объят бывъ, своеумием на таковую высоту дръзну. Нкако и время благополучно себ творяше, никому же възбраняющу ему от таковаго бессловесиа. Подъемлет убо подвигы, приемлет же и святительскую одежду и утварь, еще же и ту самую икону, ю же б своею рукою [67] отець нашь Петръ написалъ и Максиму принеслъ, поемъ же и жезлъ пастырьскыи и церковныа сановникы, поиде къ Константинуграду, яко готово имя чаемое.

Се же услышано бысть по всеи земли Рускои, даже и до Велыни, еже и мнози негодоваху. Князь же Велыньскыа земли съвщеваше свт не благь, въсхот Галичьскоя епископии в митрополью претворити, извтом творяся, Героньтиева высокоумиа не хотя. И нападаеть на Петра словесы, подъгнщая его къ Царюграду. И се убо творяше на многы дни, овогда самъ князь собою глаголя Петрови, овогда же боляръ и свтьникъ своих посылая к нему. И святыи прекланяеться, исходить къ словесемъ их, и самъ убо къ путеви управляшеся. Князь же втаи Петра написует писаниа съ молениемъ къ святому патриарху и къ всему священному сбору, прося молениа своего не погршыти, но того самого Петра на святительскомъ престол видти прошаше. И посла убо с писаньми посылает съ Петром.

Геронтиеви же на море пришедшу, на карабль въсходит и къ Царюграду устремляется. Преподобному же отцу нашему Петру море достигшу, таже и на ином мст въ корабль вшедшу и тому же Царюграду поплувшю. Но Горонтьеви злополучьно нкаково плавание случися, буря бо велика в мори въздвижеся, и съпротивънии втри от носа кораблеви опршася и нужу велику кораблеви творяху, и влъны великы двизахуся. Петрову же кораблеви тих нкыи и хладенъ, яко же зефиръ, и пособенъ втръ бысть и яко же во сн море прешедшу, къ стнам Констанътинаграда прелетвше.

Геронтиеви же въ печали сущу, в нощы явися ему икона Пречистыа Богородица, ю же б, яко же преди сказахом, своима рукама [68] Петръ преподобныи написалъ, глаголющи ему сице: «Всуе тружаешися и толику путеви вдалъся еси, не взыдеть на тя святительскыи великыи санъ, его же въсхытити въсхотлъ еси, но иже Мене написавыи Петръ игуменъ Ратьскыи, служытель Сына и Бога моего и Мои, тъи възведенъ будет на высокыи престолъ славныя митрополиа Рускыа, и престолъ украсить, и люди добр упасеть, о них же Христос, Сынъ Мои и Господь, кровь Свою, от Мене заимованную, пролиа. И сице богоугодъно пожывъ, въ старости мастит къ желаемому Владыц и Первому святителю преидеть радостно». Таковое бо видние Горонтии видвъ и словеса услышавъ от честнаго и славныя Пречистыа образа, абие възбудися, начат сказовати всмъ сущымъ с нимъ, сице глаголя: «Въсуе тружаемся, братие, желаемаго не получымъ». Онм же вину въпрашающым увидти, всм видниа и слышаная сказуеть. И тако по мноз истоплени и буряхъ, едва възмогоша Царяграда доити.

Но убо, яко же рхом, преподобному отцу Петру Константинаграда предваривъшу, исходит ис корабля и къ святому патриарху въ преименитыи храмъ святыа Премудрости Божиа Слова въсходит. Б же тогда патриаршьскаго вселеньскаго престола украшевая святыи Афанасии дивныи. И Петру убо въ двери входящу, иде же б патриархъ сдя, благоухание нкое исполнися храмина она. И разум Духом Святымъ патриархь, яко при ходом Петровымъ благоухание оно бысть, и прият его радостьн, благословлению сподоби его съ веселиемъ. Потомь же, яко вину пришествиа их увд, абие сборь съзывает священнишых митрополитовъ, и избрание по обычаю сътваряют. И явися достоинъ иже и преже рождениа нареченыи Петръ, и в мори тако же образом Пречистыа Богородица. И патриарху убо съ священным сбором божественую таиную службу свершающу, свещает и дивнаго Петра, свтилникъ на свщьниц поставивъ, яко да всмъ сущым въ храмин свтит, и учителя того и пастуха земли Рускои уставляет. Тогда убо, яко же от нкыих истинныхъ [слышах] повдающых, лице его, рече, просвтися, яко всм служащымъ с патриархом удивитися. От сего убо болшее извещение патриархъ съ всм сбором приимъ, глаголаше, яко «Сеи человкъ повелниемъ Божиим приде к нам, и. Того благодатию добр стадо упасет, порученое ему». И бысть веселие духовное въ день онъ.

По малхъ же днехъ и Геронтии приде къ Царюграду по многых истомлених, яко же преди написахом. И въсходит и тъи къ святишему патриарху и, не хотя, вся прилучьшаяся ему сказует, еще же и сонное видние. Патриархъ же доволна словеса извща, еще же и от правилъ богоносных отець нашыхъ прирекъ, яко не достоит миряном изъбраниа святительска творити, ни же кому смти самому на таковыи санъ дръзати, не преже от святаго сбора избранъ [69] , паче же от Пресвятаго и Живоначялнаго Духа назнаменанъ. И ина многа словеса от святых правилъ и божественыих писании изрече ему, абие препокои слово. Ризы же святительскыа с честъною иконою и пастырьскыи жезлъ, тако же и церковныа сановникы прием, в рукы предает истинному святителю и Божию человку Петру, сице рек: «Приими Богородичныи святыи объразъ, иже ты своима рукама написалъ еси, сего бо ради и вздарие теб дарова сама икона, о теб прорекъ».

И оттоле убо святишы патриархъ Афанасии на всякъ день бесды душеполезныа простирааше къ святителю Петру, глаголя сице: «Блюди убо, чадо и брате о Христ възлюбленыи, въ каковыи и толикыи подвигъ вшелъ еси. Се теб великыи корабль Христос Богъ поручыл есть наставляти и правити и къ пристанищемъ спасениа привести. Да не облнишыся никогда же, да не уныешы, да не отяготишыся великымъ попечениемъ величьства и множьства земля Рускиа. Се приемникъ бысть апостолскаго служениа, длателя тебе Христосъ винограда Своего постави. Буди подражатель апостолом, буди ученикъ истинныи Спасовъ, яко да и ты съ дръзновениемъ въ второе пришествие Его станешы, взывая: «Се азъ и дти, еже ми еси дал“». И таковыми словесы и иными множаишыми всегда блаженнаго поучаа, по днех славно Константинаграда отпусти.

Оному изъшедшю и море благополучн преплувъшу, и къ святиши митрополи Рускаго престола пришедъшу, и миръ и благословление всм подавшу, начат учити Богом порученое ему стадо, преходя от мста до [70] мста, с велицмъ, аще кто речет, смрением же и трудом, и кротостию, поминая рекшаго: «Въ сердц кроткых почиет Богъ». И пакы: «Сердце скрушено и смирено Богъ не уничижыть».

Симъ же тако имящым, не б лукавому тръпти [71] , но яко изъначала человчьскому роду врагъ и ратникъ, не хотя никогда же человчьскую ползу видти, малу спону святому створи: нкыих подгнти не хотти того пришествиа. По времени же себ зазрша и святителя приаша, и со смирением тому покоришася. Онъ же не токмо зло помни, но и от душа тм отдасть и о них молитву створи, и своему длу прилежаше.

По времени же пакы зависти длатель врагъ завистию подходит Андреа епископа суща Тифрьскаго придла, легъка убо суща умом, легчаиша же и разумом и изумлена суща, и о суетьни сеи слав зинувша, и поостривша языкъ свои глаголати на праведънаго безаконие. И съплетаетъ ложьная и хулная словеса, и посылает во Царьствующыи градъ къ святишему и блаженому патриарху Афанасию. Онъ же удивися, неврна та вмни, обаче [72] яко многа суща наваждениа она. Посылает единого от клирикъ церковных святыи Афанасии съ писанием, глаголя сице: «Всесвященниши митрополит Кыевьскыи и всея [73] Руси, о Святмъ Дус возлюбленыи брате и съслужытель [74] нашего смрениа Петръ. Вси, яко изъбранием Святаго Духа поставленъ еси пастух и учитель словеснаго Христова стада. И се нын придоша от вашего языка и твоего предла словеса тяжка на тя, яко же слухы моя исполниша и помыслъ мои смутиша. Подщыся убо сие очистити и исправити».

Таковое убо писание и словеса посланыи от патриарха клирикъ приемъ, Рускоя земли достизает [75] . Но убо шеперная Андрева не утаишася преже того пресвященному святителю Петру. И на Бога всю надежу възложив, глаголааше: «Терплю, потерпхъ Господа, внят ми», и «Аще Богъ по нас, то кто на ны?» И яко убо патриархом посланыи клирикъ прииде на Русь, сборъ сбирается въ град Переяславли. Приходит и боголюбивыи епископъ Ростовьскы Сумеонъ, и преподобныи Прохоръ, игуменъ тогда сыи. Призвану сущу и Андрю епископу Тферьскому, иже бяше самодлатель [76] всмъ тогдашнимъ молвамъ. Князю бо Михаилу самому въ Орд сущу, но сынове его приидоша, Дмитрии и Александро, и иныхъ князеи довольно, и вельмужыи много, еще же и лучьшии от игуменъ и чернець, и священникъ множество.