Чтение онлайн

За отсутствием текста самой Троицкой летописи Епифаниевскую редакцию Повести о Темир–Аксаке публикуем по спискам основных изводов, ее характеризующих: по древнейшему Лихачевскому списку и по Типографской летописи Мазуринской редакции [138] .

Месяца августа 26. Чюдо Пресвятыа Богородица, вънегда великое и паче надежди избавление наше бысть преславнымъ образом Еа от нашествиа безбожных агарянъ, от Темирь Аксака царя, въ л4–та благочьстиваго великаго князя Василиа Димитреевича, и сказание о Темирь Аксац, откуду бысть. Благослови, отче.

Бысть в пятое на десять лто царства Тахтамышева, а в седмое лто княжениа великаго князя Василиа Дмитреевичя, индикта 3, а въ третье на десять лто по Татарщин, по Московьском взятии, бысть замятня велика въ Орд. Прииде нкыи царь именем Темирь Аксакъ съ въсточныя страны, от Синие Орды, от Самарханьскиа земля, и велику брань сътвори и многъ мятежь въздвиже въ Орд и на Руси своим прихождением.

О семь убо Темирь Аксац нции повдаша, яко исперва не царь б рождениемь, ни сынъ царевъ, ни племене царьска, ни княжьска, ни болярьска, но тако спроста единъ сыи от худых людеи, от Зааицьскых татаръ, от Самарханьскьа Орды, иже б за Желзными враты. Ремеством же кузнець б желзныи, обычаем же и длом немилостивъ и хищникъ, иже б преже рабъ был у нкоего у своего си государя, его же за злонравие его отвержеся государь его, отбивъ и отославъ его от себе. Онъ же, не имя чим питатися, пребываше татбою кормяся. Единаче бо еще сущу ему тогда младу и въ убожьств крадяи ядяше, и иже нкогда украде у нкыих овцу, они же абие очютиша его. Он же мняшеся убжати от них, но скоро многыми постиженъ бысть и ятъ и удержанъ бысть крпко, и биша его нещадно по всему тлу и умыслиша дати ему рану смертную, яко да убьют и. И пребиша ему ногу и бедру его на полы и повергоша его яко мрътва, не движущася и не дышуща, мняху бо, яко уже умре, оставиша его псом на сндение и отидоша. И н по колиц времени едва уздравися от таковыя смертоносныа язвы, въставъ, перекова себ желзом ногу свою пребитую, и таковою нуждею храмяше. И того ради прозванъ бысть Темирь Аксаком, Темирь бо зовется желзо, а Аксакъ зовется хромець, и пакы обое вкуп Темирь Аксак, еже протолкуется Желзныи хромець, тако бо толмачят половецькым языком. И таковою виною прозванъ бысть Темирь Аксак, Желзныи хромець, яко от вещи и от длъ звание приим и по диству имя себ стяжа.

Таже потом по исцлении от ранъ и по великых тх побоех не лишился б лихаго своего обычаа пръваго, ни смирился, ни укротл, но паче на горшее съвратися и горе давнаго и пущи прежняго бысть лютъ разбоиник. Потом же приложишася к нему юноши немилостивии, мужи суровии и злии человци, подобнии ему, тако вии же разбоиници и хищници, и умножишася зло. И егда бысть их числом яко сто, и нарекоша его над собою старшину разбоиником, а егда бысть их числом яко и до тысящи, тогда уже князем его зваху, а егда бол умножишася паче числом и многи земли поплни и многы грады и страны и царьства поималъ, тогда уже и царя его у себе именоваху.

Сии же Темирь Аксакъ мнози рати нача творити, многы брани въздвиже, многы счи показа и многы побды учини, многым полком съпротивным одол, многы грады раскопа, многы люди погуби, многы страны и земли повоева, многы области и языкы поплни, многы княжениа и царьства покори под себе. А се имена тмь землям и царьством, иже б поплнил Темирь Аксакъ и взял за себе: Самархантъ, Чагадаие, Хорусани, Голустани, Китаи, Синяя Орда, Ширазъ, Испаганъ, Орначь, ГилянъСизь, Шабранъ, Шамахии, Савасъ, Арзунумъ, Тефлизи, Тевризи, Гурзустани, Обези, Гурзии, Багдатъ, Темирь Кабы, рекше Же лзнаа врата, и Асурию, и Вавилоньское царство, идежде был Навходоносоръ царь, иже плнил Иерусалимъ и три отрокы, Ананию, Азарию, Мисаила, и Данила пророка, и Севастию град, идежде было мученье святыхъ мученикъ 40, иже в Севастии, и Армениа, идежде был святыи Григорие епископъ Великыа [139] Армениа, и Дамаскъ Великыи и Сараи Великыи, и ины многы земли поплни. И сиа имена тм землям и тм градом и царьством, над ними же царствова Темирь Аксакъ, и со всх тх земль дани и оброки дают ему, и на воину с [140] ним здять.

И со всх сих преждереченныих странъ събравъ плъкы многы, и тмочисленыя своя воя подвиже, прииде ратию прежде на царя Тахтамыша, и бысть им бои и прогна царя Тахтамыша. И оттол въсхот ити на Русскую землю и к Москв христианъ воевати. И проиде всю Орду и всю землю Татарьскую, и прииде близ предл Рязанскиа земля и взя град Елечь, и князя Елечьскаго изнима, и многы люди помучи. И се слышавъ князь великыи Василии Дмитреевичь, собравъ воа многы, поиде с Москвы х Коломн, хотя ити противу его въ сртенье ему. И пришед ратию, ста на брез у ркы у Окы. Темирь Аксаку же стоящу въ едином мст дв недли.

Граду же Москв пребывающу въ смущении и готовящуся сдти въ осад, и многу народу сущу отвсюду събравшюся. И по вся же дни частым встем приходящим на Москву, възвщающе прщениа и грозы Темирь Аксака, гонителя и мучителя, како готовится воевати Русскую землю, како похваляется ити к Москв, хотя взяти ю, како хощеть люди русскыя плнити и святыя церкви жещи, вру христианьскую искоренити, а христианъ бити и гонити, томити и мучити, огнем печи и жещи, и мечем сщи. Бше бо сеи Темирь Аксакъ велми нежалостивъ и зло немилостивъ, и лютъ мучитель и золъ гонитель, и жестокъ томитель, всегда въздвиже гонение велико на христианы, яко же древнии зловрнии царие, прежние гонителие и мучители на христианы: яко же Иулианъ законопреступник и Диоклитианъ, и Максимианъ, и Декии, и Ли кинии и прочии мучители. Тако же и сии Темирь Аксак мучительскыи похваляшеся, въздвигнути хотя гонение велико на христианы. Сиа же страшныя всти и грозныя слышаще, велми в печали быша народи христианьстии и съ воздыханием и съ слезами моляхуся, дабы избавилъ Богъ от таковыя скорби и бды. Тогда Киприанъ митрополитъ заповда всм людем поститися и молитися, и молебны пти. И всии людие, народи христианьстии, с радостию и со тщанием и съ усердиемь и с врою сътворишя постъ и молитву, покаание и слезы, общаниа и завты, кто же по своеи сил, от мала и до велика, вси моляхуся Богу.

Князь же великыи Василеи Дмитреевичь погадавъ с митрополитом Киприаном и съ всми князьми и съ боары съ старишими подумавъ, въсхотша призвати на помощь Святую Богородицю, заступницу нашю и скорую помощницу нашу, и в печали утшение наше, глаголюще: «Нсть избавляяи нас от таковыя нужда и печали разве Тое, Та бо можеть преложити печаль нашу на радо сть, Та можеть заступити нас и град нашь Москву и всякъ град и страну и всяко мсто, идежде с врою призывають Ю на помощь, Та можеть избавити от глада и от пагубы, от погибели и от труса, от потопа и от огня, от меча и от нахождениа поганыих, от натечениа иноплеменник и от нападаниа вражиа, от нашествиа ратныих и от межуусобныя брани, от кровопролитиа всякаго и от мирьскыя печали, от напрасныя смерти и от всякаго зла, находящаго на ны, токмо аще быхом с врою призывали Ее на помощь и съ усръдием молящися Еи, не погршим надежда». Да еже умыслиша, то и сътвориша, и послаша по икону въ славныи и въ старыи и въ столныи град въ Володимеръ. Сим же тако бываемым.

В то же время клирикы святыя и великыя съборныя церкве Святыя Богородица, иже въ Володимер, протопопъ съвт сътвори съ прочими попы и съ диаконы и съ клирошаны, пречистую и чюдную икону Пресвятыя Богородица взяша и понесоша от гра да Володимеря на Москву страха ради татарьска, паче же страха ради Темирь Аксакова, его же иногда в повстех слышахом далече суща под востокы солнечными, нын же близ яко при дверех приближился еси, и готовится и поощряется на ны зло. И бысть тогда мсяца августа 15 день, в самыи праздникъ честнаго Успениа и преславнаго преставлениа Пресвятыя Владычица нашея Богородица и приснодвыя Мариа, събрася весь град Володимерь, изидоша на провождение чюдныя тоя честныя иконы, ю же проводиша честно врою и любовию, страхомъ и желаниемъ, съ плачем и съ слезами далече шествие сътвориша, от великиа вры и от многыя любве и многы слезы излиаша.

Егда же принесена бысть икона сии близ града Москвы, тогда весь град изиде противу еа на стртение еа. И стртоша ю честно Куприанъ митрополитъ и епископи и архимандрити, игумени и попы, и диакони и весь клирось и причетъ церковныи, князи и бояре, княгини и боярыни, мужи и жены, уноши и двы, и старци съ юнотами, дти и младенци, сироты и вдовици, нищии и убозии, черньци и черници, и всякъ възрастъ мужьска полу и женьска, от мала и до велика, и все много множество бещисленое народа людеи съ кресты и съ иконами, и съ еуангелиемъ, и съ свщами, и с кадилы, со псалмы и псньми и пнии духовными, паче же рещи вси съ слезами, и большие и меншие, и нсть такова, иже бы не плакалъ, но вси съ молитвою и съ плачем, вси съ въздыхании немолъчными, и рыданием и благодарениемь руц въздюще на высоту, вси моляхуся къ Святи Богородици, вопиюще и глаголюще: «О Всесвятаа Владычице Богородице, избави град сеи от нахождениа поганаго Темирь Аксака, и всякъ град и страну нашу, защити князя и люди от всякаго зла, заступая град нашь Москву от нахождениа ратныих иноплеменникъ и избави от поганых плнениа, от огня, от меча и напрасныя смерти, от ныншняя обдержащиа скорби и от печали, нашедшаа нын на насъ, и от настоящаго гнва, бды и нужда и от предлежащих сих искушении, и избави, Богородице, Своими богоприятными молитвами къ Сыну Своему и Богу нашему, и Своим пришествиемь еже к нам, к нищим и убогымъ, скорбящим и печалующим, умилосердися на скорбящая люди Твоя, на Тя бо надющеся не погибнем, но избудем Тобою от врагъ наших. Не предаи же нас, наша заступница и наша надежа, в руц врагом татаром, но избави нас от врагъ наших и противных съвты разжени, и съпостатъ наших думы разори, и козни их разруши. И во время се скорби ныншняя, нашедшая на ны, буди нам теплая заступница и скорая помощница и предстателница, да от ныншняя бды Тобою избывше, благодарно Ти взопием: Радуися, заступнице христианом непостыдная».

И тако Божиею благодатию и неизреченною Его милостию и молитвами Святыя Богородица Москва град нашь цлъ съхраненъ бысть, а Темирь Аксакъ царь възратися въспять и поиде въ свою землю. О преславное чюдо! О превеликое удивление! О многое милосердие Божие къ роду христианьскому! В которыи день принесена бысть икона Святыя Богородица из Владимеря на Москву, в тои день и Темирь Аксакъ поиде въ свою землю. В он же день изидоша из града на поле градстии народи, христианьстии събори въ стртение иконы Святыя Богородица съ плачемъ и съ молитвами и с врою и со слезами горющими, в тои же день и Темирь Аксакъ царь убояся и устрашися, и ужасеся, и смятеся, и нападе на нь страх и трепетъ, и вниде страх въ сердце его, и ужасъ въ душу его, вниде трепетъ в кости его, и скоро отвержеся и отречеся воевати Русьскыя земля и въсхытишася быстре на течение путнаго шествиа, и скоре грядяху къ Орд, а к Руси тылъ показающе. Обратишяся сердци своими пакы въ свояси, въспятишяся и възвратишяся без успха, възмятошася и въсколбашася, акы нкто устраши их.

Не мы бо их устрашили, но Богъ милосердыи человколюбець молитвами Святыя Богородица невидимою силою Своею устраши врагы наша, посла на ня страх и трепетъ да окаменятся. Не мы же их прогнахом, но яко же древле при Езекии цари и при Исаи пророц Сенахиримъ царь Асуриискыи прииде на Иерусалимъ ратию, зло похваляяся и в гордости велиц, и на Бога Вседръжителя хулныя глаголы въспущаа. Царь же Иезекиа тогда боляше, но аще и боленъ б, но обаче помолися Богу съ слезами, купно съ пророком Исаием и со всми людми. И услыша Богъ молитву их, паче же Давыда угодника Своего, и посла Богъ аггела Своего, мню же, великаго архаггела Михаила. И абие в ту нощь аггелъ Господень уби от плъкъ Асурииских 100 тысящь, 80 тысящь и 5000. На утриа же въставше, обртошя трупиа мертва лежаща. Царь же Асуриискыи Сенахиримъ в ту нощь устрашився и зло убоявся, съ останочными своими вои скоро убжа в Ниневгию, и тамо от своих дтеи убьен бысть и у мре. Да яко же тогда при Сенахирим было, тако и нын при Темирь Аксак. Единъ тои же Богъ и тогда и нын и едина благодать Божиа диствует и тогда и нын. Милостивъ бо есть Богъ и силенъ, елико хощеть и можеть. Еще и нын милость Его велика есть на нас, яко избавил ны есть Господь из рукы врагъ наших татаръ, избавилъ ны еси от сча, от меча и от кровопролитиа, мышцею силы Своея разъгналъ еси врагы нашя, сыны Агарины, рукою крпкою и мышцею высокою, и устрашилъ еси сыны Измаиловы. Не наши воеводы прогнаша Темирь Аксака, не нашя воиньства устрашили его, но силою невидимою нападе на нь страх и трепетъ, и страхом Божиимъ ужасеся и гнвом Божиим гоним бысть, потщався, отъиде от Русьскыя земля, отступивъ, поиде прочь отнюду же и прииде, а земля Русьскыя отинудь не прикоснуся, ни оскорби, ни стужи, ни вреди ея, но поиде без възъвращениа. Мы же въстахом и прости быхом, онъ заиде и ищезе, и мы ожихом, и цли быхом, сть его съкрушися и мы избавлени быхом, помощь наша от Господа, сътворившаго небо и землю.