Чтение онлайн

учиши? проповедаяй не красти - крадеши; глаголяй не прелюбы творити -

прелюбы твориши; скаредуяйся идол - святая крадеши; иже в законе

хвалишися - преступлением закона Богу досаждавши». И паки той же

великий апостол глаголет: «Егда како инем проповедав, сам исключим

буду?».

Бога ради, отцы святии и преблаженнии, не дейте мене, грешнаго и

сквернаго, плакатися грехов своих и себе внимати, среди лютаго сего

треволнения прелестнаго мимотекущаго света еего. Паче же в настоящем

сем многомятежном и жестоком времени, кому мне, нечистому и

скверному и душегубцу, учителю быти? Да негли Господь Бог, ваших ради

святых молитв, сие писание в покаяние мне вменит. И аще хощете, - есть у

вас дома учитель среди вас - великий светильник Кирил. И на его гроб

повсегда зрите, и от него всегда просвещаетеся». Потому же ( Испр. по ТЦ;

в рукоп. Потом же. ) великие подвижници ученицы его, а вашы

наставницы и отцы, по приятию рода духовнаго даже и до вас. И святый

устав великаго чюдотворца Кирила, яко же у вас ведется. Се у вас учитель

и наставник! - от сего учитеся, от сего наставляйтеся, от сего

просвещайтеся, о сем утвержайтеся; да и нас, убогих духом и нищих,

благодатию просвещайте, а за дерзость, Бога ради, простите. Понеже

помните, отцы святии, егда некогда прилучися некоим нашим приходом к

вам в пречестную обитель пречистыя Богородицы и чюдотворца Кирила, и

случи ся тако судбами Божиими: по милости пречистыя Богородицы и

чюдотворца Кирила молитвами от темныя ми мрачности малу зарю света

Божия в помысле моем восприях, и повелех тогда сущему преподобному

вашему игумену Кирилу с некоими от вас братии негде в келий сокровене

быти, самому же такожде от мятеж и плища мирскаго упразнившуся и

пришедшу ми к вашему преподобию; и тогда со игуменом бяше Иоасаф

архимандрит Каменьской, Сергий Колычев ( Испр.; е рукоп. Колачев

(также КЦП, в Т Ковачев). ) ты Никодим, ты Антоней, а иных не упомню;

и бывши о сем беседе надолзе, и аз грешный вам известих желание свое о

159

пострижении, и искушах окаянный вашу святыню слабыми словесы. И вы

известисте ми о Бозе крепостное житие. И яко же услышах сие

божественое житие, ту абие возрадолася скверное мое сердце со окаянною

моею душою, яко обретох узду помощи Божия своему невоздержанию и

пристанище спасения. И свое обещание положих вам с радостию, яко

нигде инде, аще благоволит Бог, в благополучно время здраву пострищися,

точию во пречестней сей обители пречистыя Богородицы, чюдотворца

Кирила составления. И вам молитвовавшим, аз же окаянный преклоних

скверную свою главу и припадох к честным стопам преподобнаго игумена

тогда сущаго, вашего же и моего, на сем благословения прося. Оному же

руку на мне положъшу и благословившу мене на сем, яко же выше рех, яко

некоего новоприходящаго пострищися (Понеже помните, отцы святии егда

некогда прилучися некоим нашим приходом к вам...благословившу мене на сем...яко

некоего новоприходящаго пострищися.
– Поездка в Кирилло-Белозерский монастырь,

во время которой царь собирался постричься в монахи, относится, как он сам

указывает, ко времени, когда игуменом монастыря был Кирилл, т. е. к 1564 - 1572 гг.

(см.: Строев, ук. соч., стр. 55). В эти годы царь посещал монастырь дважды - в декабре

1565 г. (ПСРЛ, XIII, 400; Акты Археограф, экспед., т. I, № 270) и весной 1567 г. (ПСРЛ,

XIII, 407).).

И мне мнится окаянному, яко исполу есмь чернец: аще и не отложих

всякого мирскаго мятежа, но уже рукоположение благословения

ангельскаго образа на себе ношу. И видех во пристанищи спасения многи

корабли душевныя люте обуреваемы треволнением. Сего ради не могох

терпети, малодушьствовах, и о своей души поболех, яко сый уже ваш, да не

пристанище спасения испразнится, сице дерзнух глаголати.

И вы, Бога ради, господия мои и отцы, простите мене грешнаго за

дерзость доселе моего к вам суесловия. И яко же рече великое светило

Иларион Великий во своем послании к некоему брату, сице рече: «К

старейшему брату и Христову рабу, убогий аз инок и последний в братстве

Иларион, малейший разумом и неключимый ни в коем же блазе деле. Яко

послал ми бе таково слово, глаголя, яко беси нудят мя мысльми, да любви

ради и Христовы заповеди отпиши ми слово и главизну утешну или две. Аз

же восприем послание и прочет его удивихся: како убо брат мой утешения

востребова от мене, или наказание от самого ненаказанна, и от нагаго

одежду, паче же от грешника спасения и утвержения слова? И сия

помыслив, не требовах хотети руку ( Испр. по КТЦ; в рукоп. еда. ) мою

прострети на отписание, бояся, егда сам не творя буду, тебе же начну пиша

глаголати, по отеческому слову кладязю подобен буду - иныя омынающе,

себе же многи скверны не могущи истребити. И прииму осуждение с

возлагающему на плеща человеком бремена тяжкая и неудобьносимая - а

сам перстом того не хотя двигнути. И буду яко круг медян, тщим гласом

бряцая: и сего ради ужасаюся и трепещу, да не паче Бога разгневаю,

учительский сан восхищая, юностию еще играем».

160

И аще сицевое светило о себе сицерече, аз же, окаянный, что сотворю,

иже беззаконию сущи скверно жилище и бесом игралище своими злыми

делы бых? но хотел убо бых конец делу, положити: но понеже вижю, грех

ради моих, нудити вам мене о сем, сего ради, по великому апостолу Павлу,

бых безумен; понеже вы мя понудисте, мала некая от своего безумия