Чтение онлайн

Святополкъ же посади сына своего Володимери Мьстислава, иже б от наложниц ему, а Ярослава посла въ Угры, вабя угры на Володаря, а самъ иде Кыеву. Ярославъ, сынъ Святополчь, прииде съ угры, и король Коломанъ [519] и 2 епископа, и сташа около Перемышля по Вягру, [520] а Володарь затворися въ град. Давыдъ же въ тъ чинъ пришедъ из Ляховъ и посади жену свою у Володаря, а самъ иде в Половц. И усрте и Бонякъ, и воротися Давыдъ, и поидоста на угры. Идущима же има и сташа ночьлгу, и яко бысть полунощи, и въставъ Бонякъ отъха от рати и поча выти волъчьски, и отвыся ему волкъ, и начаша мнози волци выти. Бонякъ же, приха, повда Давыдови, яко «Побда ны есть на угры». И завътра Бонякъ исполчивъ вои свои; Давыдовых 100, а Бонякъ у трех стхъ, и раздли на 3 полкы и поиде к угромъ. И пусти на воропъ Алтунопу въ 50, а Давыда постави подъ стягомъ, а самъ раздлися на два полка, по 50 на сторону. Угре же исполчишася на заступы: б бо угоръ числомъ 100 тысящь. [521] Алтунопа же пригна къ первому заступу и, стриливше, побгну передъ угры, угре же погнаху по нихъ, мьняху Боняка бжаща, а Бонякъ гнаше, ска у плещи. Алтунопа възвратився успять и не допустяху угръ опять, и тако множицею избиваше я. Бонякъ же раздилися на 3 полкы, и сбиша угры в мячь, яко соколъ галиц збиваеть. И побгоша угре, и мнози истопоша у Вягру, друзии же в Сану. И бжаще возл Санъ у гору, и спихаху другь друга, и гна по нихъ два дни, скущи я. Ту же убиша епископа их Купана и от боляръ многи, якоже глаголаху, погыбло убьено 40 тысящь.

Ярославъ же бже на Ляхы и прииде Берестью, а Давыдъ заемъ Сутйску и Червенъ, и прииде внезапу и зая володимерц, а Мьстиславъ затворися у град съ засадою, уже бяше у него берестьяне, и пиняни, вышегородци. [522] И ста Давыдъ, оступивъ городъ, и часто приступаше. Единою подступиша къ граду подъ вежами, онмь же бьющимся съ града и стрляющимъ межи собою, идяху стрлы акы дожчь. Мьстиславу же хотящю стрилити, внезапу вдаренъ бысть подъ пазуху стрлою на заборолхъ [523] скважнею, и сведоша и, и на нощь умре. И таиша его 3 дни, и в четвертый день повдаша и на вчи. И рекоша людье: «Се князь убьенъ, да аще ся вдамы, и Святополкъ погубить ны». И послаша къ Святополку, глаголюще: «Се сынъ твой убьенъ, а мы изнемогаемъ голодомъ. Аще не придеши, хотять ся людье предати, не могуще глада терпти». Святополкъ же посла Путяту, своего воеводу. Путята же пришедъ с вои к Лутцьку къ Святоши, сыну Давыдову, и ту бяху мужи Давыдови у Святош: заходилъ бо б Святоша рот къ Давыдови: «Аще поидеть на тя Святополкъ, повмъ ти». И не сътвори сего Святоша, но изоима муж Давыдовы, а сам поиде на Давыда. И прииде Святоша и Путята августа въ 5 день, Давыдови облежащю градъ, в полудне, а Давыдови спящю, и нападоша на н и начаша сщи. И горожане скочишася съ града и почаша сщ вои Давыдовы, и побже Давыдъ и Мьстиславъ, сыновець его. Святоша и Путята переяста городъ и посадника Святополча Василья посадиста. И прииде Святоша Лучьку, а Путятя Киеву. Давыдъ же побже в половц, и усрте и <…> Бонякъ и половц. И поиде Давыдъ и Бонякъ на Святошю к Лучьку, и оступиша Святошю у городи и створиша миръ. И изиде Святоша из города и прииде къ отцю своему Чернгову. А Давыдъ прия Луческъ и оттуду прииде к Володимерю; посадникъ же Василь выбже из города, а Давыдъ перея Володимерь и сед в немь. А на другое лто снемь створиша князи. Святополкъ, Володимеръ, Давыдъ и Олегъ привабиша Давыда Игоревича и не даша ему Володимеря, но даша ему Дорогобужь, у немъже и въмре. А Святополкъ перея Володимерь и посади сына своего Ярослава.

В лто 6606. [524] Прииде Володимеръ, и Давыдъ, и Олегъ на Святополка, и сташа у Городца, и створиша миръ. В се же лто заложи Володимеръ церковь камяну свято Богородиц в Переяславли на княж двор. Того же лта заложи Володимеръ Мономахъ городъ на Въстри.

В лто 6607. Иде Святополкъ на Давыда к Володимерю и прогна Давыда в Ляхы. В се же лто бысть знаменье надъ Володимеремь мсяца априля: два круга, а в нею аки солнце, и до шестаго часа, а ночи акы три стези [525] свтл оли до зорь. У се же лто побьени угре у Перемышля. В се же лто убьенъ бысть Мьстиславъ, сынъ Святополчь, у Володимери мсяца июня 12 день.

Вниде Мьстиславъ от Давыда на море мсяца июня въ 10. [526] Того же лта братья створиша миръ межи собою: Святополкъ и Володимеръ, Давыдъ и Олегь въ Увтичихъ мсяца августа въ 14 день. Того же мсяца въ 30 в томъ же мст братья вся сняшася — Святополкъ, Володимеръ, Давыдъ, Олегъ. [527] Прииде к нимъ Давыдъ Игоревичь и рече имъ: «На что мя есте привабили? Осе есмь. Кому до мене обида?» И отвща к нему Володимеръ: «Ты еси прислалъ к намъ, река: “Хощю, братье, приити къ вамъ и пожаловати своее обиды”. Да се еси пришелъ и сдиши съ своею братьею на единомъ ковр, и чему не жалуеши? До кого ти обида?» И не отвща ему ничтоже Давыдъ. И сташа уся братья на конихъ, и ста Святополкъ съ своею дружиною, а Давыдъ и Олегъ съ своею дружиною раздно, кром себ. А Давыдъ Игоревичь сдяше опрочь, и не припустяху его к соб и особ думаху о Давыд. И, сдумавше, послаша къ Давыдови мужи свои: Святополкъ Путяту, Володимеръ — Ратибора, Давыдъ и Олегъ — Торчина. Послании же придоша къ Давыдови и рекоша ему: «Се ти молвять братья: “Не хощем ти вдати стола Володимерьскаго, зане увергъ еси ножь в ны, егоже не было в Русьской земли. Но мы тебе не имемъ, ни иного зла створимъ, но се ти даемъ: шедъ, сяди в Божескомъ во остроз. Дубенъ и Черторыескъ [528] — то ти даеть Святополкъ, а се ти даеть Володимеръ 200 гривенъ, Давыдъ и Олегъ — 200 гривенъ”». И тогда послаша послы своя к Володареви и к Василкови: «Поими брата своего Василка к соб, и буди вам Перемышль. Да аче вам любо, да сдта, аще ли — да пусти Василка смо, ат и кормимъ зд. А холопы наши и смерды выдайта». И не послуша сего Володарь и Василко. А Давыдъ сдяше у Божьскомь, и по семь вда Святополкъ Давыдови Дорогобужь, [529] в немже и вомре, а Володимеръ вдасть сынови своему Ярославу.

В лто 6609. Преставися Всеславъ, полотьскый князь, мсяца априля в 14 день, у 9 часъ дне, въ среду. В то же лто затворися [530] Ярославъ Ярополчичь у Берестьи, и изиде на нь Святополкъ, и заступи и в город, и емь, и окова, и приведе и до Киева. И молися о немь митрополитъ и игумени, умолиша Святополка и узаводиша и у раку святою Бориса и Глба, и сняша с него оковы, и пустиша и. В тм же лт съвъкупишася братья — Святополкъ и Володимеръ, Давыдъ, Олегъ, Ярославъ с братьею — на Золотьчи. [531] И прислаша половци послы ото всихъ князь къ всей братьи, глаголюще и просяще мира. И рша имъ князи русьсции: «Аще хощете мира, да совкупимься у Сакова». [532] И послаша половци, и сняшася в Сакове, и створиша миръ с половци, и пояша таль межи собою, мсяца семьтября въ 15 день. В се же лто Володимеръ заложи церковь у Смоленьск свято Богородиц камяну епискупью.

В лто 6610. Выбже Ярославъ Ярополчичь ис Кыева мсяца октября въ 1 день. Того же мсяца на исход прелсти Ярославъ Святополчичь Ярослава Ярополчича, ятъ и на Нури, [533] и приведе къ отцю Святополку, и оковаша и. Того же лта, мсяца октября у 20, приде Мьстиславъ, сынъ Володимерь, с новгородци, б бо Святополкъ с Володимеромь рядъ имлъ, яко Новугороду быти Святополчю и посадити сынъ свой в Новгород, а Володимери сына своего посадити Володимеру. И прииде Мьстиславъ Кыеву, и сдоша в ыстобц, и рекоша мужи Володимери: «Се присла Володимеръ сына своего, да се сдять новгородц, да поемьше сына твоего, идуть Новугороду, а Мьстиславъ да идеть Володимерю». И рекоша новгородци Святополку: «Се мы, княже, прислани к тоб, и рекли намъ тако: не хощемъ Святополка, ни сына его. Аще ли дв голов иметь сынъ твой, то посли и. Сего ны далъ Всеволодъ, ускормили есмы соб князя, [534] а ты еси шелъ от насъ». Святополкъ же многу им прю с ними, онмь же не восхотившимъ, поемьше Мьстислава, поидоша Новугороду. В то же лто бысть знаменье на небеси, мсяца генваря 29, по 3 дни, аки пожарная зоря от въстока, и уга, и запада и свера, и бысть тако свтъ всю нощь, акы от луны полны свтящеся. В то же лто бысть знаменье у лун мсяца февраля въ 5 день. Того же мсяца въ 7 день бысть знаменье въ солнц: огородилося бяше солнце въ 3 дуги, и быша другыя дугы хрепты к соб. И сия видяще знаменья благоврни человци съ въздыханьемь моляхуся Богу, съ слезами, дабы Богъ обратилъ знаменья си на добро. Знаменья бо бывають ово же на добро, ово же на зло. Яко и си знаменья быша на добро: на придущее лто вложи Богъ мысль добру в русьскии князи — умыслиша дерзнути на половц, поити в землю их, еже и бысть, якоже скажемъ въ пришедшее лто. В се же лто преставися Володиславъ, лядьский князь. В се же лто преставися Ярославъ Ярополъчичь мсяца августа в 11 день. В се же лто ведена бысть дщи Святополча Сбыслава в Ляхы за Болеслава, [535] мсяца ноября въ 16 день. В то же лто родися у Володимера сынъ Андрй.

В лто 6611. Вложи Богъ у серьдце русьскымъ княземъ мысль благу: Святополку, Володимеру, и снястася думати на Долобьск. В сде Святополкъ съ своею дружиною, а Володимеръ съ своею дружиною, а въ единомь шатр. И поча думати и начаша глаголати дружина Святополча: «Не веремя весн воевати: хочемь погубити смерды и ролью имъ». И рече Володимеръ: «Дивно ми, дружино, оже лошади кто жалуеть, еюже ореть кто, а сего чему не расмотрите, оже начьнетъ смердъ орати, и половчинъ приха, ударить смерда стрлою, а кобылу его поиметь, а в село въхавъ, поиметь жену его и дти, и все имнье его возметь. То лошади его жалуешь, а самого чему не жалуешь?» И не могоша противу ему отвщати дружина Святополча. И рече Святополкъ: «Брате! Се азъ готовъ уже». И въста Святополкъ, и рече ему Володимеръ: «То ти, брате, велико добро створиши Русьской земьли». И посласта къ Давыдови и к Олгови, глаголюща: «Поидита на половци, а любо будемь живи, любо мертви». Давыдъ же послуша ею, а Олегъ не послуша сего, вину река: «Не здоровлю». Володимерь же, цловавъ брата своего, поиде Переяславлю, а Святополкъ по немь и Давыдъ Святъславичь, [536] и Мьстиславъ, Игоревъ унукъ, Вячьславъ Ярополчичь, Ярополкъ Володимеричь. [537] И поидоша на конихъ и в лодьяхъ, и приидоша ниже порогъ, и сташа въ протолчехъ и в Хортичимъ остров. И всдоша на кон, и пшьци из лодей высдавше, идоша в поле 4 дни и придоша на Сутинъ. [538] Половци же, слышавше, яко идуть русь, и собрашася бес числа и начаша думати. И рече Урусоба: «Просимъ мира в руси, яко крпко ся имуть бити с нами, мы бо много зла створихомъ Руской земли». И рша уншии Урусоб: «Аще ся ты боиши руси, но мы ся не боимъ. Сихъ бо избивше и поидемь в землю ихъ, и приимемъ вся грады ихъ, и кто избавить ихъ от насъ?» Рустии же князи и вои моляху Бога и причистии его матери, ово кутьею, овъ же милостынею къ убогымъ, ови же манастыремъ трбованья. И сице молящимъся, поидоша половьци и посла передъ собою въ сторож Алтунопу, иже словяше мужьствомъ. Тако же и русьстии князи послаша сторож свои. И въстерегоша Алтунопу, и объступиша Алтунопу и въбиша и и сущая с нимъ, ни единъ не избы от нихъ, но вся избиша. И поидоша полци половецьстии аки борове, и не б перезрити ихъ, и русь поидоша противу имъ. И великий Богъ вложив жалость велику у половц, и страхъ нападе на ня и трепетъ от лица русьскыхъ вой, и дрмаху сам, и конемъ ихъ не бяше спха у ногахъ. Русь же с весельемь на конихъ и пши потекоша к нимъ. Половци же, видивше устремленье руское на ся, не доступивше, побгоша передъ рускыми князи. Наши же погнаша, скуще я. Въ 4 мсяца априля, и великое спасенье створи Богь въ тъ день благоврнымъ княземъ русьскымъ и всимъ хрестьяномъ, а на врагы наш дасть побду велику. И убиша ту в полку князий 20: Урусобу, Кочия, Яросланопу, Китанопу, Кунама, Асупа, Курътыка, Ченегрепа, Сурбаря и прочая князя ихъ, а Бельдузя яша. По семь же сдоша братья, побдивше враги своя, и приведоша Белдузя къ Святополку, и нача Белдузь даяти на соб злато, и сребро, и кон, и скотъ. Святополкъ же посла Володимеру. И пришедшю ему, упроси его Володимеръ: «То веде, яла вы рота. Многажды бо, ходивше рот, воевасте Русьскую землю. То чему ты не училъ сыновъ своихъ и роду своего не переступати рот, но проливаете кровь хрестьяньску? Да се буди кровь твоя на глав твоей». И повели убити и, и тако раскоша и на уды. И по семь сняшася братья вся, и рече Володимеръ: «”Се день, иже створи Господь, възрадуемься и възвеселимься во нь”, [539] яко Богъ избавилъ ны есть от врагъ нашихъ, и покори враги наша, и “скруши главы змевыя, и далъ есть Господь брашно ихъ намъ”». [540] Взяша бо тогда скоты, и овц, и кони, и вельблуды, и веж с добыткомъ и съ челядью, и заяша печенгы и торъкы с вежами. И приидоша в Русь с полономъ великымъ и съ славою и с побдою великою усвояси.

Того же лта приидоша прузии, августа въ 1 день. Томъ же лт, того же мсяца въ 18 день иде Святополкъ и сруби Гурьговъ, егоже бша пожьгл половци. Того же лта бися Ярославъ [541] с моръдвою мсяца марта въ 4 день, и побженъ бысть Ярославъ.

В лто 6612. Ведена дщи Володарева за цесаревичь за Олексиничь Цесарюграду, [542] мсяца июля въ 20. В том же лт ведена Передъслава, дщи Святополча, во Угры за королевча, [543] мсяца августа въ 21. Того лта прииде митрополитъ Никифоръ в Русь мсяца декабря въ 6 день. Того же мсяца преставися Вячьславъ Ярополчичь въ 13 день. Того же мсяца въ 18 Никифоръ митрополитъ посаженъ на стол. Сего же лта исходяща, посла Святополкъ Путяту на Менескъ, а Володимеръ посла сына своего Ярополка, а Олегъ самъ иде на Глба, поемъше Давыда Всеславича, [544] и не въспша ничтоже и възратишася опять. И родися у Святополка сынъ, и нарекоша имя ему Брячиславъ, В се же лто бысть знаменье: стояше солнце въ круз, а посред круга хрестъ, а посред креста солнце, а вн круга обаполы 2 солнци, надъ солнцемь же кром круга дуга, рогома на сверъ. Тако же знаменье в лун тмь же образомъ мсяца февраля въ 4 и 5 и 6 день, въ дне по три дни, а в ночи и в лун по три ночи.

В лто 6613. Увалися верхъ святаго Андря. [545] В се же лто постави митрополитъ Анфилохыя епископа Володимерю августа въ 27. Томъ же лт постави Лазоря Переяславлю мсяца ноября 12. Томъ же лт постави Мину Полотьск мсяца декабря въ 13 день. Томъ же лт явися звзда с хвостомъ на запад и стоя мсяць. Того же лта пришедъ Бонякъ зим на Заруб на торкы и береньд.

В лто 6614. Повоева половци около Зарчьска, и посла по нихъ Святополкъ Яня и Иванка Захарьича и Козарина, [546] и въгонивьше половц до Дуная, полон отяша <…>. В се же лто преставися Янь, старець добрый, живъ лтъ 90, въ старост мастит, живъ по закону Божию, не хужий первыхъ праведникъ. У него же азъ слышахъ многа словеса, яже вписахъ в лтописиць. Б бо мужь благъ, и кротокъ, и смренъ, отгрбаяся от всякоя вещи, егоже и гробъ есть въ Печерьскомь монастыр, у притвор, идже лежить тло его, положено мсяца июня въ 24. В то же лто пострижеся Еупракси, Всеволожа дщи, [547] мсяца декабря въ 6 день. Того же лта помраченье бысть въ солнци августа. Тогда пострижеся князь Святоша, сынъ Давыдовъ, внук, Святославль, Никола, мсяца февраля въ 17. В том же лт побдиша зимгола Всеславича и всю братию и дружину, убиша их 9 тысяч.

В лто 6615, кругъ луны 4, а солнечнаго — 8 лто. В се же время преставися Володимеря княгини [548] мсяца маия въ 7 день. Того же мсяца воева Бонякъ и зая кон у Переяславл. Томъ же лт прииде Бонякъ, и Шарукань старый и ини князи мнози, и сташа около Лубна. Святополкъ же, и Володимеръ, и Олегь, Святославъ, Мьстиславъ, Вячьславь, [549] Ярополкъ идоша на половц къ Лубьну, [550] въ 6 часъ дне бродишася чересъ Сулу и кликоша на н. Половци же вжасошася, от страха не възмогоша и стяга поставити, но побгоша, хватаючи коний, а друзии пши побгоша. Наши же начаша сщи я, а другыа руками имати, и гнаша я до Хорола. Убиша же Тааза, Бонякова брата, и Сугра яша и братию его, а Шарукань одва утече. [551] Отбгоша же товара своего, и взяша рускии вои мсяца августа въ 12 день, а възвратишася въсвоаси. с побдою великою. Святополкъ же прииде завътреню в Печерьскый манастырь на Успенье святыя Богородица, и братья цловаша и радостью великою, яко врази наши побжены быша молитвами святыя Богородица и великаго Федосья, отца нашего. И тако бо обычай имяше Святополкъ: коли идяше на войну, или инамо, оли поклонився у гроба Федосьева и молитву вземъ у игумена, сущаго ту, то же идяше на путь свой. В то же лто преставися княгини, Святополча мати мсяца генваря въ 4 день. Томъ же лт, того же мсяца, иде Володимеръ, и Давыдъ, и Олегъ къ Аяп и другому Аеп и створиша миръ. И поя Володимеръ за Георгия [552] Аепину дщерь, Асну внуку, а Олегъ поя за сына [553] Аепину дщерь, Гиргеневу внуку, мсяца генваря во вторый на 10 день. А февраля 5 трясеся земля пред зорями в нощи.

В лто 6616. Заложена бысть церкви святаго Михаила Золотоверхая Святополкомъ княземъ мсяца июля въ 11. И тряпезницю кончаша Печерьскаго манастыря при Фектист игумен, юже заложи повеленьемь Глбовомъ, [554] иже ю и стяжа. В се же лто вода бысть велика во Днпр, и въ Десн, и въ Припет. Того же лта вложи Богъ въ сердце архимандриту, игумену печерьскому, нача понужати Феоктистъ Святополка князя вписати Федосья в синаникъ, [555] Богу тако изволшю. Святополкъ же радъ бысть, общася створити се, и се вды житье его. И нача Святополкъ узвщати житье Федосьево и вел и вписати в снаникъ, еже створи митрополитъ — вписа его в снаникъ. Повел же митрополитъ по всмъ епискупьямъ вписати Федосья в снаникъ. Вси же епископи с радостью вписаша, и поминають его во всхъ сборхъ. В се же лто прставися Ерина, [556] Всеволожа дщерь, мсяца июля в 24. В се же лто кончаша верхъ святыя Борогодица Влахрны на Клов, заложенй Стефаномъ епископомъ, бывшу ему прже игуменомъ Печерьскаго манастыря.