Чтение онлайн

по звычею рад твоих зрадному, а тая сотонинская гордость, что ты, брат

наш, чюжое даешь, чему подобна есть?! Якоже есть писано: аще взграеши

яко орел и свиеши гнездо свое посреди звезд небесных, и оттуду тя свергу;

рече Господь: Бог Господь гордым сопротивник есть, смиренным же даёт

благодать. А что еси писал, брат наш, што хошь нас держати подобно с

иншими князми, ино ж мы царьского величества милостию и так тех

князей выше есмя; а Прусская княжата што говорити, занже и ныне тебе не

послушен есть, нам то гораздо ведомо. А что противно Божью веленью

писал еси, што от Бога-сотворителя повышоной княжачой крови, ино тое

слово кроме ко антихристу приложити, а к иному ни к чему не подобно

есть; Господу Богу нашему Исусу Христу, везде о смирении поучающу и

глаголющу: «Царие язык господствуют ими ( Испр.; в ркп. ми. ) и велицы

облагодатели нарицаютца, вы же не тако, но аще хто хощет вящшый быти,

да будет всем раб и всем слуга. Сын бо человеческий не приде, да

послужат ему, но да послужити и дати душу свою избавленье за многих»; и

257

паки инде рече: «Еже есть высоко в человецех, мерзость есть пред Богом»;

апостолу же вопиющу: «яко крыющеся в вертепах, и в горах, и в пропастех

земных, им же не бе достоин весь мир; где же положиши Бога того оного

веселящеся во вся дни светло и в муках возвепша очи свои, како же убо

Лазаря нищего, иже крупицы падающи не могущи ясти и псом лижущи

гной его, и лежаща пред враты того же богатого и несену быти ангелом на

лоно Авраамле; богатому же оному мучитися в огни бесконечном, ниже

языка прохладити могуща». Как же не противно твое, брата нашего,

писание Христову повеленью? Везде убо Господу гласящу и смирение

заповелевающу, а ты, брат наш, гордость хвалишь и последствуя

антихристову повеленью. А што еси, брат наш, писал, штоб нам на твое

имя перезывати людей, ино же подобает тебе к такому лотру писати, якиж

бы достоин был такому твоему лотровскому писму, а мы ж фалшером не

хотим быти, як же твои, брата нашего, панове тебе прирадили, а у нас же

таких карают. А иное есми всказал тебе, брату своему, словом молвити

твоему верному слуге Ивашку Козлову, и што он учнет тебе от нас

говорите, и ты б ему верил, бо то суть наши речи.

Писана царьского величества в граде Москве, лета 7075» июля 15 день.

ПОСЛАНИЕ ГР. ХОДКЕВИЧУ ОТ ИМЕНИ ВОРОТЫНСКОГО

Великаго Бога и Спаса нашего Иисуса Христа в Троицы славимого

милостию великого государя государем царя и великого князя Ивана

Васильевича всеа Русии [следует полный титул] от его царьского

величества совету боярина и воеводы и намесника Казанского и державцы

Новосилского князя Михаила Ивановича Воротынского пану Григорью

Александровичи) Хоткевича слово наше то.

Что прислал еси к нам лист свой с нашим хлопцом молодым с Ивашком

Козловым, а в листу своем к нам писал еси, что ваш государь

християнский, а будучи святый милосердый пан, помазанец Божий, по

звычаю блаженных памятей их милостей славных и великих государей

прародителей своих государьских, так теж и сам из своей щедростливости

государьские и з милосердья будучи повинен завжды оказывати образ

человеколюбья Божия, любовь к народу христьянскому, ся ж ради не

пощадел Бог Сына своего единородного, да распят был для нашего

спасения и кровию его святою совокупил нас всех яко уды многи до

единого тела и втвердил крещением любовь в нас; и для того должен

государь ваш, по апостолу, с радующимися радовати, а со плачющими

плакати и ннде немощи немощных носити, а не себе угождати повинны

258

есмя. И слышачи великий государь ваш милостивый его кралевская

милость о брату своем о государе нашем жестосердье неразсудителное его

и на нас людей христьянских, Богом порученных ему, гоненья без правды и

гнев непощадимый, так теж и разделение людем единого християнского

народу и единые веры, а для чего ссталась есть опричнина и для чего

земская, чего з веков давных земли его николи за панованье предков его не

бывало, тому дивит великий государь ваш и того жалует и вы вси жалуете

и дивуетеся ему. И для того государь ваш много отъжидает ему терпеньем

своим государьским, еще не простер праведные руки своее кролевские и не

поднес меча своего острого на землю его за его гордость, понеже ( Испр.; в

ркп. поневаж. ) видит его растленна разумом и болшого неприятеля земли

своей, нежли вашего государя и кровопроливца нашего. И разумеет то

государь ваш по нас по христьянских людех, што мы с вами кровь

проливаем по неволи, и милосердует о земли нашей и о нас всех, яко и

знак милосердья великого государя вашего есть немалый на землю и на

люди земли нашел на князе Ондрею Михайловичю Курбском, как его

государь ваш пожаловал великим своим жалованьем и приближеньем и

первшим местцом под Киевским воеводством, а он уже был в московских

родех не десятый, а мало не двадцатый, также и в местцы. А наш пак род

великий будучи надо всеми роды московскими, сведомо есть добре

великому государю вашему и вам всем то есть ведомо, што вышел с крови

государьские великих князей Новосилских и до сих часов ведемся своими

чины и обычайми великими на отчизне и на уделу своем по прироженному

нашему величеству, маючи в себе свои бояре и воеводы; так теж ведомо

есть великому государю вашему, что отчизна уделная нашие милости за