Чтение онлайн

слово: «Вси вы огнь зжете, и ходите по совету пламени огня вашего, егоже

сами себе разжегосте». Како же убо ты со Июдою предателем равно

причтешися! Яко же убо он на общаго владыку всех, богатества ради,

возбесися и на убиение предал, со ученики убо водворяшеся, а со июдеи

веселяшеся, тако же убо и ты, с нами пребывая, и хлеб наш адяше, и нам

служити соглашаше, на нас же вся злая в сердцы собираше. Тако ли еси

исправил-крестное целование, еже хотети добра во всем безо всякие

хитрости? И что убо твоего злохитрия и умышления злее? Яко же рече

премудр: «несть главы, паче главы змиевы»; паче же и несть злобы паче

злобы твоея.

Почему учинился еси учитель души моей и телу? Хто убо тя поставил:

судию или владетеля надо мною? Или ты даси ответ за, дущу мою в день

Страшнаго суда? Апостолу Павлу глаголющу: «како убо веруют без

проповедующего, како же и проповедуют, аще не послани будут?». И се

убо бысть во пришествие Христово: ты же от кого послан еси? И хто тя

20

рукополагателя учинил, яко учительский сан восхищавши? Апостолу

Иякову сию отрицающу: «Не мнози учители бывайте, братие, ведуще, яко

вящше грех приемлем, много бо согрешаем, сии же словом не согрешит,

сии совершен муж и силен, иже хто устне обуздает, то и все тело обуздает.

Се и конем бразды во уста влагаем, да повинуютца нам, и все тело их

обращаем. Се и корабли, толице суще велици, от жестоких ветров

заточяеми, обращаются малым кормильцем, яко же аще стремление

правящему хощет: тако и язык мал уд есть, и вельми хвалитца. Се мал огнь

колику вещь сожегает! Язык подобен огню, иже водворяется во удех

наших, сквернящи все тело, опаляще коло рожества, ополяем от геенны:

человече естество языка ради, звере же и птицы, гады же и рыбы мучяется

и умучится естеством человеческим, языка же никто же от человек может

умучити, неодержимо бо зла исполнь яда смертоносна. Тем благословим

Бога и Отца, тем человеков клекем, иже по подобию Божию бывшая; от

языка ж исходит благословение и клятва. Не подобает, братия моя

возлюбленная, сим тако бывати. Егда убо источник от того же единого

истицания точит сладкое и горькое? Когда может, братия моя, смоковница

маслины творити, или лоза смоквы? Тако же ни един же источник воду

слану и сладку творит. Хто премудр и худог в вас, да покажет от добраго

жития дела своя, в кротости и в премудрости. Аще ли зависть горьку имате

и рвения в сердцах ваших, не хвалитеся и не лжите на истинну. Несть сия

премудрость свыше и нисходяще, но земца и бесовска душе пагубна.

Идеже бо зависть и рвения, ту нестроения и всяка зла вещь совершается; а

вышня премудрость первое убо чиста, потом же мирна и кротка, благо-

покорлива, исполнь милостиа, плодов благих, несумненна и нелицемерна.

Плод же правды во смирении сеется творящим мир. Откуду брани и свары

в вас? Не отнюду ли, от сластей ваших воюющих в душах ваших? Желаете,

и не имате; убиваете, и завидите, и не можете улучити; сваряетеся и

борете, и не имате, зане зле просите; просите, да в сластех ваших

изживете. Приближитеся к Богу - приближится к вам; очистите руце,

грешницы, и очистите сердца, двоедушии. Не оклеветайте друг друга,

братие: оклеветан или осуждая брата своего, оклеветает закон и осуждает

закон; аще ли закон осуждавши, неси творец закону, ни судия. Един есть

закону давец и судия, могий спасти и погубити. Ты же кто еси, осуждая

друга?».

Или мниши сие быти светлость благочестива, еже обладатися царьству

от попа невежи, от злодейственных и изменных человек, и царю

повелеваему быти? И сие ли супротивно разума и совесть прокажонна, еже

невежу взустити и злодейственных человек возразити от Бога данному

царю воцаритися? Нигде же обрящеши, еже не разоритися царству, еже от

попов владому. Ты же убо почто ревнуеши - иже во грецех царствии

погубивших и турком повинувшимся? Сию убо погибель на твою главу

паче да будет! К сему же и сему подобен еси, яко апостол пишет к

Тимофею, глаголя: «Чадо Тимофее, сеже веждь, яко в последняя дни

21

настанут времяна люта; будут человецы самолюбцы, сребролюбцы,

облазнви, горди, хульницы, родителем противящеся, неблагодарни,

непреподобни,

нелюбиви,

несоветохранители,

прелагатели,

невоздержницы, некротцы, неблаголюбцы, предателе, презорливы,

возносливы, сластолюбцы, паче нежели боголюбцы, имуще образ

благочестия, силы же его отвергошася. И сих отвращайся. Водима

похотьми различными, всегда учящеся, и николи же в разум истинный

прийти не могуща. Яко же Анний и Амврий противистась Моисею, тако и

сии (П противистась Моисею тако и сии нет.) противятся истинне,

человецы растлевшеи умом, неискусни о вере. Но не преуспеют паче о

мнозе: безумие бо их яве будет всем, яко же и онех бысть».

Или убо сие свет, попу и прегордым, лукавым рабом владети, царю же

токмо председанием и царьствия честию почтенну быти, властмю ничим

же лутчи быти раба? А се ли тма, яко царю содержати царьство и владети,

рабом же рабска содержати повеленная? Како же и самодержец

нарицается, аще сам не строит? Яко же рече апостол Павел к галатом

пиша: «В колико лет наследник младенец есть, ничим же путче есть раба,

но под повелительми и приставники есть, до нарока отчя». Мы же,

благодатию Христовою, доидохом лет нарока отчя, и под повелительми и

приставники быти не пригоже.

Речеши ли убо, яко едино слово обращая семо и овамо, пишу? Понеже