Чтение онлайн

И не токмо от поучениа его ползеваахуся, нъ и многажды нкымь, зрящимь на нь точию, от зрниа его приимати ползу многымь. Многых научи душеполезными словесы, и на покаание къ Богу обрати, и многых спасе, облекь въ иночьскый образь, паче же аггельскы, и честныа мощи ихь своима рукама опрятавь, погребению предасть. И многых душа к Богу приведе, и мнози поучениемь его спасошася и донын спасаются, не точию иноци, нъ и простии, поминающе душеполезнаа его словеса и учениа; упасе бо порученое ему от Бога стадо въ преподобии и правд, образь во всемь бывь своимь ученикомь. Поживе на земли житие чисто, непорочно и благоугодно Господеви, еже наченъ от юности зло, то же и съвръши въ старости глубоц, не измнивь правила чрьнечьскаго во вся лта житиа своего, никако же разлнися, ни унывъ, не инако начя, и инако оконча: но елико убо жестоко и свято начя, толико же изрядно и чюдно скончя; съ благоизволениемь убо начя, съ святынею же съвръши въ страс Божии. «Зачало бо премудрости страх Господень»; зане же вру, и упование, и любовь преизлише приобрте, тм же благочестив начя, и благочестно поживе, и свято съвръши. Равно течение сконча, вру съблюде, и внець праведный получи, и мзду врну въсприят трудовь ради и исправлений своихь, ими же подвизася на земли, подвигь многь съвръшивъ, и труд великь подъятъ, тяготу вара дневнаго понесъ, и зной полудневный доблестовн въсприятъ, и студень зимную велми пострада, и мразы лютыа и нестерпимыя претрьп имени ради Божиа; и того ради нын въсприятъ мзду съвръшену и велию милость.

Что же много глаголю, и глаголя не престаю, умножая рчь, распростираа глаголы и продолжаа слово, не могый по достоанию написати житиа добраго господина и святого старца, не могый по подобию нарещи или похвалити достойно? Но обаче прочаа его добродтели инде скажемь, и многаа его исправлениа инде повмь, и похвалу его изложимь, аще Богъ вразумить и силу подасть молитвами святого старца; нын же нсть время за оскудние разума и за млину ума моего.

Сиа же подробну писах не к тмь, иже извсто свдущим и добр знающимь благочестное житие его: ти бо не требують сего възвщение. Нъ понудихся възвстити сиа и въспомянути новорожденым [323] младенцемь и младоумнымъ отрочатом, и дтьскый смыслъ еще имущимь, да и ти нкогда възрастуть, и възмужають, и преуспють, и достигнут в мру връсты исполънениа мужества, и достигнуть в разумь сверъшенъ, и другь друга въспросят о семь, и почетше разумють и инмь възвстять, яко же въ Святомь писании речеся: «Въпроси, — рече, — отца твоего, и възвстить теб, старца твоя, и рекуть теб. Елико видша, и слышаша, и разумша отци наши, повдаша намъ, да не утаится от чад ихь в род инъ сказати я сыновомъ своимъ, да познает родъ инъ, сынове родящеися, да въстануть и повдять я сыномь своимь и не забудуть длъ Божиих». Елици бо их бышя великому тому и святому старцу самовидци же и слугы, ученици и таибници, паче же послушници, иже своима очима видша его, и уши их слышаша и, и руц ихь осязаста и, ядоша же и пища с ним, иже учениа его насытишася и добродтели его насладишяся, то тии не требують сего нашего писмене. Доволни бо суще и иныхь научити, паче же и мене самого наказати, и извстити, и наставити на путь правый; а елици ихь еже быти нын начинають, яко же преди речеся, иже не видша, ни разумша, и всмь сущимь, наипаче же новоначалным зло прилична и угодна суть, да не забвено будеть житие святого тихое, и кроткое, и незлобивое; да не забвено будет житие его чистое, и непорочное, и безмятежное; да не забвено будет житие его добродтелное, и чюдное, и преизящное; да не забвены будуть многыя его добродтели и великаа исправлениа; да не забвены будуть благыа обычаа и добронравныя образы; да не будуть бес памяти сладкаа его словеса и любезныя глаголы; да не останет бес памяти таковое удивление, иже на немь удиви Богь милость свою и дарова намь видти такова мужа свята и велика старца, иже бысть вь дни наша.

О, вьзлюблении! Вьсхотх умльчати многыа его добродтели, яко же преди рекох, но обаче внутрь желание нудит мя глаголати, а недостоинство мое запрщает ми мльчати. Помысль болзный предваряеть, веля ми глаголати, скудость же ума заграждает ми уста, веляще ми умлькнути. И поне же обьдрьжимь есмь и побждаемь обма нуждема, но обаче лучше ми есть глаголати, да прииму поне малу нкую [324] ослабу и почию от многых помысль, смущающих мя, вьсхотвь нчто от житиа святого повдати, сирчь от многа малая. И вземь, написах и положихь зд в худмь нашемь гранесьсловии на славу и честь Святй и Живоначялнй Троици и Пречистй Его Матери и на похвалу преподобному отцю нашему Сергию худымь своимь разумомь и растлннымь умомь. Наипаче же усумнхся, дрьзаа, надяся на молитву блаженаго, поне же житие его добродтелно есть и сьврьшено, и от Бога прославлень бысть. Аз же убояхся, яко немощень есмь, груб же и умовредень сый; нь обаче подробну глаголя, невьзможно бо есть постигнути до конечнаго сповданиа, яко же бы кто могль исповдати доволно о преподобьнм семь отци нашем и великом старци, иже бысть вь дни наша, и времена, и лта, и вь стран и вь языц нашем, поживе на земли аггелскымь житиемь, стяжа трьпние крпко и въздержание твердо, въ девьств, и чистот, и цломудрии, съвръши святыню въ страс Божии, и сподобленъ бысть божественыя благодати: поне же от юности очистися церкви быти Святого Духа и преуготова себе съсуд святъ и избранъ, да вселится Богъ въ нь, по апостолу, глаголющю: «Братие, вы есте церкви Бога жива, яко же рече Богъ: «Вселюся в ню».

Сий убо преподобный отець нашь Сергие из дтьска възраста, и от юны връсты, и от младых ноготъ предасться Богу, и от самых пеленъ Богу освятися, и измлада церкви велми пристояше, и чясто въ ню входя, поучаася въ святых книгахь, навыкь божественаа писаниа, и сладостно их послушая, и в них поучяашеся, яко же пророкь Давидь рече: «Поучится день и нощь и будеть яко древо, сажденно при исходящих водъ, иже плод свой дасть въ время свое». Измлада бо възлюби мнишскый чинъ и въ нь облъкся, измлада въ всякой добродтели прилжно постився и всяку добродтель иночьскаго житиа исправи, и свт благодатный възсиа въ сердци его, и просвтися помыслъ его благодатию духовною, ея же приспаше въ житии добродтелномь.

И въздржание велие стяжа въ себ, смреномудрие, цломудрие и къ всмь любовь нелицемрну. Слава же и слышание пронесеся о немь повсюд, и вси слышащем издалеча приткааху к нему, и великь успх, и многу ползу, и спасение приимаху от него: дасть бо ему Господь разум о всемь, и слово утшениа даровася ему, могый утшити печалныя. Сице же б тщание его, да не прилпнет умъ его ни кацх же вещех земных и житейскыхь печалехь; и ничто же не стяжа себ притяжаниа на земли, ни имниа от тлннаго богатства, ни злата или сребра, ни скровищь, ни храмовъ свтлых и превысокых, ни домовъ, ни селъ красных, ни ризь многоцнных. Но сице стяжа себ паче всх истинное нестяжание и безъимнство, и богатство — нищету духовную, смрение безмрное и любовь нелицемрную равну къ всмь человком. И всх вкуп равно любляше и равно чтяше, не избираа, ни судя, ни зря на лица человком, и ни на кого же возносяся, ни осужаа, ни клевеща, ни гнвом, ни яростию, ни жестостию, ни лютостию, ни же злобы дръжа на кого; нъ бяше слово его въ благодати солию растворено съ сладостию и с любовию.

Кто бо, слыша добрый его сладкый отвтъ, не насладися когда от сладости словесъ его? Или кто, зряй на лице его, не веселяшеся? Или кто, видя святое его житие, и не покаяся? Или кто, видя кротость его и незлобие, и не умилися? Или кто сребролюбець бысть, видя его нищету духовную, и не подивися? Или кто похыщникь и гордостию превъзносяйся, видя его высокое смрение, и не почюдися? Или кто бысть блудникь, видя чистоту его, и не пременися от блуда? Или кто гнвливъ и напрасенъ, бесдуаи с нимь, на кротость не преложися? Нсмь бо азь видлъ въ дни сиа, и в ныншняа времена, и въ наша лта сицева мужа свята, и съвръшена въ всяко дло благо, и украшена всякою добродтелию всячьскы. Яко же от прочихь святых иже кто възлюбленъ есть от Бога, яко же съй преподобный Сергие?

Съй ми есть и первый и послдний въ ныншняа времена; сего Богъ проявилъ есть въ послдняа времена на скончание вка и послднему роду нашему, сего Богъ прославилъ есть в Руской земли и на скончание седмыя тысяща; съй убо преподобный отець нашь провосиалъ есть въ стран Русстй, и яко свтило пресвтлое възсиа посреди тмы и мрака, яко цвтъ прекрасный посреди тръниа и волцечь, яко звзда незаходимаа, яко луча, тайно сиающи и блистающи, и яко кринъ въ юдолии мирскых, яко кадило благоюханное, яко яблоко добровонное, яко шипокь благоюханный, яко злато посреди бръниа, яко сребро раждежено, и искушено, и очищено седморицею, яко камень честный, и яко бисръ многоцнный, яко измарагдъ и самфиръ пресвтлый, яко финиксъ процвте, яко кипарисъ при водахь, яко кедръ иже въ Ливан, яко маслина плодовита, яко араматы благоюханиа, яко миро излианное, яко сад благоцвтущь, яко виноград плодоносенъ, яко гроздъ многоплоденъ, яко оград заключенъ, и яко врътоград затворенъ, яко сладкый запечатлнный источникь, яко съсуд избранъ, яко алавастръ мира многоцннаго, яко град нерушим, яко стна неподвижима, яко забрала тверда, яко сынъ крпокь и вренъ, яко основание церковное, яко стлъпъ непоколбимъ, яко внець пресвтлый, яко корабль, исплънь богатства духовнаго, яко земный аггелъ, яко небесный человкь.

Успе же старець о Господ въ старости глубоц, добр поживъ, въ преподобии, и правд и цломудрии, въ смиреномудрии, въ всякой чистот и святыни, исплънь дний духовных. Преставися от житиа сего лт седмидесять. Чернечествова же лт 50 съ всякым прилежаниемь и въздержаниемь, не лностию когда съдръжимь, нъ съ бодростию и со мнозмь трезвниемь, и всх инокь предусп в род нашемь труды своими и тръпниемь, и многых превзыде добродтелми и исправлении своими. Что же наше житие или что наше пребывание противу святаго подвигомь и прочимь добродтелем? Ничто же есть наше чрьнечество, и наша молитва яко стнь есть. Колико растоание имать востокь от запада, сице намь неудобь есть постигнути житиа блаженаго и предивнаго мужа. Сице ти есть житие его и сицевы труды его, и исправлениа, и подвизи, и потове, и мнози болзни, еже от многа мало нчто понудихомся, аще и не по чину положихом, ни по достоянию написахом.

Егда же присп врмя преставлениа его, заповда учеником своимь и не повел имь въ церкви положити ся, нъ вн церкви тако просто повел погребсти ся съ прочими братиами. Братиа же, слышавше сиа от святого, зло скръбни быша и о семь въспросиша пресвятйшаго архиепископа. Тогда же б въ преславнмь и пресловущем в велицмь град Москв, украшаяй престолъ Пресвятыя и преславныя Владычица наша и Богородица, преосвященный Киприанъ митрополитъ. Порасмотривъ и рассудивъ в себ, како и гд погребется блаженный, и благослови и повел имь положити его въ церкви на правй стран; еже и бысть. Положено же бысть тло преподобьнаго въ церкви, ю же самь създа, и въздвиже, и устрои, и съвръши, и украси ю всякою подобною красотою, и нарече сиа быти въ имя Святыа, и Живоначялныя, и Нераздлимыя, и Единосущныя Троица; въ честнмь его монастыри, и пресловущей лавр, и велицй оград, и в славнй обители, ю же самь съгради, и совокупи, и устрои; иде же братию собра, словесное стадо Христово, и спасеную паству упасе ю въ незлобии сердца своего, и в разум настави; иде же и самь одянъ бысть въ иночьскый образъ, паче же аггелскый; и многы тмами темь труды положи, и неизчетныа подвигы показа; иде же непрестанныя молитвы сътвори; иде же повседневныя и нощныа пниа и благодарениа славословяше и Бога въспваше; иде же многолтное и многострадалное течение свое препроводи и укрпи, не исходя от мста своего во иныя предлы, разв нужда нкыя.

Не взыска Царьствующаго града, ни Святыя горы или Иерусалима, яко же азь, окаанный и лишеный разума. Увы [325] , лют мн! Ползаа смо и овамо, и преплаваа сюду и овуду, и от мста на мсто преходя; нъ не хождааше тако преподобный, нъ в млъчании добр сдяше и себ вънимааше: ни по многым мстомь, ни по далнимь странамь хождааше, нъ въ единомъ мст живяше и Бога въспвааше. Не искаше бо суетных и стропотных вещий, иже не треб ему бысть, нъ паче всего възыска единого истиннаго Бога, иже чимь есть душа спасти, еже и бысть: «Ищте бо, — рече, — и обрящете, и толкущему отвръзается». Кто бо нын тако възыска Бога всмь сердцемь и от всея душа възлюби, яко же съй преподобный отець нашь, яко же пророкь рече: «Всмь сердцемь моимъ възысках Тебе»; и пакы: «Възысках Господа, и услыша мя».

Въ время же преставлениа его събрася множество народа от град и от странъ многых, коиждо желаше съ многым тщаниемъ приближитися и прикоснутися честнемь телеси его или что взяти от ризъ его на благословение себе. Поболевъ убо старець неколико время, и тако преставися ко Господу, к вечным обителемъ, изсушивъ тело свое постом и молитвами, истончивъ плоть и умертвивъ уды сущаа на земли, страсти телесныя покоривъ духови, победивъ вреды душевныя, поправъ сласти житейскыя, отвръгъ земнаа попечениа, одолевь страстнымь стремлениемъ, презревъ мирскую красоту, злато, и сребро, и прочая имениа прелестнаа света сего яко худаа вменивъ и презре. И легьце преплувъ многомутное житейское море, и без вреда препроводи душевный корабль, исплънь богатства духовнаго, беспакостно доиде в тихое пристанище, и достиже, и крилома духовныма въскрилися на высоту разумную, и венцемь бестрастиа украсися, преставися къ Господу и преиде от смерти в живот, от труда в покой, от печали в радость, от подвига въ утешение, от скръби в веселие, от суетнаго житиа въ вечную жизнь, от маловременнаго века в векы бесконечныя, от тля въ нетление, от силы в силу, и от славы в славу. И вси пришедшеи ту и обретшеися плакахуся его ради.