Чтение онлайн

В лто 6527. Приде Святополкъ с печенгы в сил тяжьц, и Ярославъ собра множьство вой, и изыде противу ему на Алъто. [335] Ярославъ же ста на мст, идеже убиша Бориса, и вьздвъ руц на небо, и рече: «Кровь брата моего вопиеть к тоб, Владыко! Мьсти от крове правднаго сего, якоже мьстилъ еси от крови Авелевы, положивъ на Каин стнанье и трясение, — тако положи на семь. И, помолився, рекъ: «Брата моя! Аще есте отсюду тломъ отошла, то молитвою помозита ми на противнаго сего убийцю гордаго». И се ему рекшю, и поидоша противу соб, и покрыша поле Летьское обои от множьства вой. Б же пяток тогда, вьсходящю солнцю, и совокупишася обои, и бысть сча зла, ака же не была в Руси, и за рукы емлюще счахуся, и соступишася трижды, яко по удольемь кровь течаще. И кь вечеру одол Ярославъ, а Святополкъ бжа. Бжащю же ему, и нападе на нь бсъ, и раслабша кости его, и не можаше сдти на кони, и ношахуть и вь носилахъ. И принесоша и к Берестью, бгающе с нимъ. Он же глаголаше: «Побгнете со мною, женуть по насъ». Отроци же его посылаху противу: «Еда кто женет по немь?» И не б никогоже вьслдъ женущаго, и бжаху с нимь. Онъ же в немощи лежа, и, вьсхапився, глаголаше: «Осе женуть, оно женуть, побгнете». И не можаше стерпти на единомъ мст и пробже Лядьскую землю, гонимъ гнвомъ Божиимъ, и пробже пустыню межи Чяхи и Ляхы, и ту испроврже животъ свой зл. «Его же и по правд, яко неправдна, суду пришедшу по отшестьвии сего свта прияша муки сего, оканьнаго». Святополка «показываше яв посланая пагубная рана, вь смерть немилостивно вьгна», [336] и по смерти вчно мучимъ есть и связанъ. Есть же могила его в пустыни той и до сихъ дний. Исходить же от ней смрадъ золъ. Се же Богъ показа на показание княземь рускымъ, да аще сице же створять, се слышавше, ту же казнь приимуть, но больши сея, понеже се вдуще бывшее, створити такое же зло братоубийство. 7 бо мьстий прия Каинъ, убивъ Авля, а Ламехъ 70, понеже бо Каинъ не вды мьщьния прияти от Бога, а Ламехъ вды казнь, бывшюю на прародителю его, створи убийство. «Рече бо Ламехъ своима женама: мужа убихъ вь вредъ мн и уношю вь язву мн, тмже, рече, 70 мьстий на мн, понеже, рече, вдая, створихъ се». [337] Ламехъ уби 2 брата Енохова, и поя соб жен ею; сьй же Святополкъ — новы Авимелех, иже ся родилъ от прелюбоданья, иже изби братью свою, сыны Гедеоновы, тако и сь бысть. [338]

Ярославъ же, пришедъ, сде в Кыев, утеръ пота с дружиною своею, показавъ побду и трудъ великъ.

В лто 6528. Родися у Ярослава сынъ, и нарече имя ему Володимиръ.

В лто 6529. Приде Брячислав, сынъ Изяславль, внукъ Володимеръ, на Новъгородъ, и зая Новъгородъ, поимъ множество новгородець, имние ихъ, поиде Полотьску опять. И пришедшю ему к Судмири рц, [339] Ярославъ <…> выиде ис Кыева въ 7 день постиже и ту. И побди Ярославъ Брячислава и новьгородц <…> вороти <…> к Новугороду, а Брячиславъ бжа къ Полотьску.

Въ лто 6530. Приде Ярославъ кь Берестью. Вь си же времена Мьстиславу сущю вь Тмуторокани, и поиде на касогы. Слышавъ же се, князь касожький Редедя изыиде противу ему. И ставшима обиима полкома противу соб, и рече Редедя кь Мьстиславу: «Что ради губив дружину межи собою? Но снидев сама бороться. Да аще одолешь ты, и возмеши имние мое, и жену мою и землю мою. Аще ли азъ одолю, то возму твое все». И рече Мьстиславъ: «Тако буди». И сьхастася, и рече Редедя кь Мьстиславу: «Не оружьемь ся бьев, но борьбою». И яста ся бороти крпко, и надолз борющимся има, и нача изнемогати Мьстиславъ: б бо великъ и силень Редедя. И рече Мьстиславъ: «О пресвятая Богородице, помози ми. Аще бо одолю сему, сьзижю церковь вь имя твое». И се рекъ, удари имъ о землю. И вынемь ножь, удари и вь гортань ножемь, и ту бысть зарзанъ Редедя. И вьшедъ в землю его, и взя все имние его, и жену его и дти его, и дань възложи на касогы. И пришедьшю к Тьмутороканю и заложи церковь святыя Богородица, и созда ю, яже стоить и до сего дни в Тмуторокан.

В лто 6531. Поиде Мьстиславъ на Ярослава с козары и сь касогы.

В лто 6532. Ярославу сущю в Новгород, приде Мьстиславъ ис Тьмуторокана Кыеву, и не прияша его кыян. Онъ же сде на стол Чернигов, Ярославу сущу в Новгород тогда.

В се же лто вьсташа вьлъсви в суждалцихъ, избиваху старую чадь по дьяволю наученью и бсованию, глаголюще, яко си держать гобино. [340] И мятежь великъ и голодъ въ всей стран той; идоша по Волз вси людье вь Болъгары и привезоша жито, и тако ожиша. Слышавъ же Ярославъ вълъхвы ты, и приде к Суждалю, изьима волъхвы, расточи, и другия показни, рекъ сице: «Богъ наводить по грхомъ на куюждо землю гладомь, или моромъ, или ведромъ, или иною казнью, а человкъ не всть ничтоже». И вьзвративъся Ярославъ и поиде к Новугороду, и посла Ярославъ за море по варяги.

И приде Акунъ с варягы, и б Акунъ сь лпъ, [341] и луда у него златомъ истькана. И приде ко Ярославу, и Ярославъ сь Акуномь поиде на Мьстислава. Мьстислав же, слышавь, изииде противу има кь Листьвну. [342] Мьстислав же с вечера исполчи дружину, и постави сверъ вь чело противу варягомъ, а самъ ста с дружиною своею по крилома. И бывъши нощи, бысть тма, и громове, и молънья и дождь. И рече Мьстиславъ дружин своей: «Поидемь на н». И поиде Мьстиславъ и Ярославъ противу, и съступишася въ чело варяз сь сверомъ, и трудишася варязи, скуще сверъ, и по семъ наступи Мьстиславъ с дружиною своею и нача счи варягы. И бысть сча силна, яко посвтяше мъльнъя и блисташася оружья, и б гроза велика и сча силна и страшна. Видв же Ярославъ, яко побжаемь есть, и побже сь Якуномъ, княземь варяжькимь, и Акунъ ту отбже луды златое. А Ярослав же приде к Новугороду, а Якунъ иде за море. Мьстислав же, о светъ заутра <…> вид лежачи исчены от своихъ свръ и варягы Ярославл, и рече: «Кто сему не рад? Се лежить сверянинъ, а се варягъ, а своя дружина цла». И посла Мьстиславъ по Ярослав, глаголя: «Сди ты на стол своемь Кыев, понеже ты еси старй братъ, а мн буди ся сторона». И не смяше Ярославъ в Кыевъ ити, донележе смиристася. И сдяше Ярославъ в Новгород, и бяху сдяще в Киев мужи Ярославл. В том же лт родися у Ярослава другый сынъ, и нарече имя ему Изяславъ. [343]

В лто 6533.

В лто 6534. Ярославъ сьвокупи воя многы и приде Кыеву, и створи миръ с братомъ своимъ Мьстиславомъ у Городьца. И раздлиста и по Днпръ Рускую землю: Ярославъ прия сию страну, а Мьстиславъ ону. И начаста жити мирно и вь братолюбьи, и преста усобица и мятежь, и бысть тишина велика в земли.

В лто 6535. Родися третий сынъ Ярославу, и нарече имя ему Святославъ.

В лто 6536.

В лто 6537. Мирно лто.

В лто 6538. Ярославъ взя Белзъ. [344] И родися Ярославу 4-тый сынъ, и нарече имя ему Всеволодъ. Сего лта иде Ярославъ на чюдь, и побди я, и постави городъ Юрьевъ. [345] В се же время умершу Болеславу Великому в Ляххъ, и бысть мятежь великъ в Лядьской земли, и, вьставше, людье избиша епископы, и попы, и бояры своя, и бысть мятежь вь нихъ.

В лто 6539. Ярославъ и Мьстиславъ собраста воя многы, и идоста на Ляхы, и заяста грады червенъскыя опять, и повоеваста Лядьскую землю, и многы ляхы приведоста, и раздлиста я. И посади Ярославъ своя по Рси, и суть и до сего дни.

В лто 6540. Ярославъ поча ставити городы по Рси.

В лто 6541. Мьстиславичь Еустафий умьре.

В лто 6542. В лто 6543.

В лто 6544. Мьстиславъ изыиде на ловы и разболся и умре. И положиша и вь церкви святаго Спаса, юже создалъ самъ, б бо вьздано ея при немь вьзвыше, яко и на кон стоячи рукою досячи. Б же Мьстиславъ дебелъ тломъ, чермьномь лицемь, великома очима, храбръ на рати, и милостивъ, и любяше дружину повелику, и имния не щадяще, ни питья, ни ядения не браняше. По семь же прия власть его Ярославъ, и бысть единовластець Руской земли. Иде Ярославъ к Новугороду, посади сына своего Володимира в Новгород, епископа постави Жидяту. [346] И в то время родися Ярославу сынъ, и нарекоша имя ему Вячеславъ.

И Ярославу же сущу в Новгород, и приде ему всть, яко печенз обьстоят Кыевъ. Ярослав же собравъ воя многы — варягы и словены — и прииде Кыеву, и вьниде вь градъ свой. И б же печенгъ бе-щисла. Ярославъ же выступи из града, исполчи дружину, и постави варягы по сред, а на правй стран кыяны, и на лвемь крил новгородц, и сташа предъ городомъ. А печенз приступати начаша, и соступишася на мст, идже есть нын святая Софья, митрополья руская: б бо тогда поле вн града. И б сча зла, и одва одолвъ к вечеру Ярославь. И побгоша печенз раздно и не вдахуся, камо бжаче, и овии, бгающе, тоняху в Ситомли, ини же во инхъ ркахъ, и тако погибоша, и прокъ ихъ пробгоша и до сего дни. В то же лто всади Ярославъ Судислава вь порубь, брата своего, Плесков, оклеветань к нему.

Въ лто 6545. Заложи Ярославъ городъ великый Кыевъ, у него же града врата суть Златая; заложи же и церковь святыя Софья, Премудрость Божию, митрополью, и по семь — церьковь на Златыхъ вратхъ камену святыя Богородица Благовщение. Сий же премудрый князь Ярославъ то того для створи Благовщение на вратхъ, дать всегда радость граду тому святымь благовщениемь Господнимь и молитвою святыя Богородица и архаангела Гаврила. По семь святаго Георгия манастырь и святыя Орины. [347] И при семь нача вра крестьяньская плодитися и раширятися, и чернорисци поча множитися, и манастыреве почаху быти. И б Ярославъ любя церковьныя уставы, и попы любяше повелику, излиха же б любя черноризьци, и книгамъ прилежа, почитая часто в день и вь нощи. И собра писц многы и пркладаше от гркь на словеньскый языкъ и писмо. [348] И списаша многы книгы, и сниска, ими же поучаються врнии людье и наслажаються учения божественаго гласа. Якоже бо нкто землю разореть, другый же насеть, инии же пожинають и ядять пищу бескудну, — тако и се: отець бо сего Володимиръ землю разора и умягчи, рекше кресщениемь просвтивъ. Сий же Ярославъ, сынъ Володимерь, нася книжными словесы сердца врныхъ людий. А мы пожинаемь, учение приемлюще книжьное.

Велика бо полза бываеть человку от учения книжнаго; книгами бо кажеми и учими есми пути покаянию, и мудрость бо обртаемь и вьздержание от словесъ книжныхъ. Се бо суть рекы, напаяющи вселеную всю, се суть исходища мудрости; книгамъ бо есть неищетная глубина, сими бо <…> в печали утшаемы есмы, си суть узда вьздеръжанию. Мудрость бо велика есть, якоже и Соломонъ хваляше ю, глаголаше: «Азъ, премудрость, вселихъ свтъ и разумъ, и смыслъ азъ призвах. Страх Господень. Мой свтъ, моя мудрость, мое утвржение. Мною цесари царствують, и силнии пишют правду. Мною вельможи величаються, мучители удержать землю. Азъ любящая мя люблю, ищющии мене обрящють». [349] Аще бо поищеши вь книгахъ мудрости <…> прилежно, то обрящеши великую ползу души своей. Иже бо часто кто чтеть книгы, то бесдуеть с Богомъ или святыми мужьми. Почитая пророчькыя бесды, еуангелская учения и апостолская, и житья святыхъ отець <…>, вьсприемлеть душа ползу велику.